ऑनलाईन टीम / पणजी
यंदाच्या निवडणुका लढवण्याच्या तयारीत असलेल्या आम आदमी पक्षाने मंगळवारी राज्यातील आगामी विधानसभा निवडणुकीसाठी तीन उमेदवारांची सातवी यादी जाहीर केली. दिल्लीचे आमदार आणि आम आदमी पार्टीचे गोवा डेस्क प्रभारी आतिशी यांनी ट्विट केले, “गोवा विधानसभा निवडणुकीसाठी 2022 च्या उमेदवारांची सातवी यादी जाहीर करताना आनंद होत आहे. गोवा 14 फेब्रुवारी रोजी परिवर्तनासाठी मतदान करणार आहे”.
पक्षाने जाहीर केलेले तीन उमेदवार आणि त्यांचे मतदारसंघ पुढीलप्रमाणे आहेत
1) मुरगाव – परशुराम सोनुर्लेकर
२) साळगाव – मारिओ कॉर्डेरो
3) हळदोणे – महेश साटेलकर
निवडणुकीच्या रनअपमध्ये, आप ने आपले सर्व उमेदवार जाहीर केले आहेत आणि प्रसिद्ध वकील-राजकारणी अमित पालेकर यांना मुख्यमंत्रिपदाचे उमेदवार म्हणून घोषित केले आहे. सध्या ‘आप’ला गोवेकरांकडून प्रचंड पाठिंबा मिळत आहे. याशिवाय, आप चे राष्ट्रीय संयोजक अरविंद केजरीवाल यांनी अलीकडेच गोव्यासाठी 13-सूत्री कार्यक्रमाचे अनावरण केले, ज्यामध्ये 300 युनिटपर्यंत मोफत वीज, खाणकाम पुन्हा सुरू करणे, सर्वांसाठी नोकऱ्या आणि बेरोजगारांना भत्ता देण्याचे आश्वासन दिले आहे. सत्तेवर निवडून आल्यास गोवेकर त्यांच्या सरकारच्या पाच वर्षांच्या कार्यकाळात ₹ 10 लाख वाचवू शकतील असा दावा केला आहे.
