आनेकल येथे विजेच्या धक्क्याने चौघांचा मृत्यू

बेंगळूर : विजेचा धक्का बसल्याने चौघांचा जागीच मृत्यू झाला. ही घटना बेंगळूर शहराबाहेरील आनेकल तालुक्याच्या अत्तीबेले येथे गुरुवारी घडली. आकाश (वय 30), महादेव (वय 35), विषकंठ (वय 35) आणि विजयसिंग (वय 30) अशी मृतांची नावे आहेत. याबाबत मिळालेली माहिती अशी, गृहप्रवेशाचा कार्यक्रम असल्याने मृत चौघेजण घराला लायटींग करत होते. दरम्यान, खांबावरून विद्युत घेत असताना चौघानांही विजेचा धक्का बसला. यात त्यांचा जागीच मृत्यू झाला. घटनास्थळी अत्तीबेले पोलिसांनी भेट देऊन पंचनामा केला. घटनेची नोंद अत्तीबेले पोलिसात झाली आहे. या घटनेमुळे हळहळ व्यक्त होत आहे.