बेळगाव
आनंद क्रिकेट अकादमी आयोजित 19 वर्षाखालील एसीए चषक आंतर कॅम्प क्रिकेट स्पर्धेत इचलकरंजी संघाने खानापूर संघाचा 299 धावानी आनंद अकादमीने इचलकरंजी व खानापूर संघांचा पराभव करून विजयी सलामी दिली.
भुतरामट्टी येथील मैदानावर आयोजित 19 वर्षाखालील एसीए चषक क्रिकेट स्पर्धेच्या उद्घाटन प्रसंगी जवान चंद्रकांत दाणी, पियांका गायतोंडे, आशिष गायतोंडे, आनंद करडी आदी मान्यवर उपस्थित होते. पाहुण्यांचे स्वागत नागेश यांनी केले.
खानापूर संघाने 29.3 षटकात सर्व गडी बाद 129 धावा केल्या. त्यात गौरव गावडेने 2 षटकार 7 चौकारसह 52 तर नागराज मेदारने 2 चौकारासह 20 धावा केल्या. आनंदतर्फे सिद्धांत दानीने 5 गडी तर भुवन हत्तरगीने 2 गडी बाद केले. प्रत्युत्तरादाखल आनंद अकादमीने 14.2 षटकात 4 बाद 130 धावांसह सामना 6 गडय़ानी जिंकला. आर्यन गवळीने 3 चौकारासह 22 व राहुल नाईकने 4 चौकारासह 21 धावा केल्या. गौरव गावडेने 2 गडी बाद केले.
दुसऱया सामन्यात इचलकरंजी संघाने 50 षटकात 9 गडी बाद 384 धावा केल्या. तनय पाऊसकरने 2 षटकार 13 चौकारासह 135 धावा करून स्पर्धेतील पहिले शतक झळकविले. आदित्य पाटीलने 1 षटकार 13 चौकारासह 82 तर श्रवण निकमने 45 धावा केल्या. खानापूरतर्फे एन. व्ही. शबरी व रोहित पोवार यांनी प्रत्येकी 2 गडी बाद केले. प्रत्युत्तरादाखल खानापूर संघाचा डाव 23.3 षटकात 85 धावात आटोपला. नागराज मादारने एकाकी लढत देत 4 चौकारासह 32 धावा केल्या. इलचकरंजीच्या श्रवण निकमने 8 गडी बाद करून निम्म्याहून अधिक संघ गारद केला.
