ओटवणे / प्रतिनिधी:
ओटवणे तारीवाडी येथील आजू लक्ष्मण तारी (८०) यांचे बुधवारी सकाळी अल्पशा आजाराने निधन झाले. ते उत्कृष्ट गवंडी होते तसेच तेरेखोल नदीवर ओटवणे पूल होण्यापूर्वी त्यांनी ओटवणे दशक्रोशीतील जनतेसाठी ओटवणे नदिवर अनेक वर्षे होडी चालक म्हणून सेवाभावी वृत्तीने काम केले होते. सावंतवाडी एस टी आगाराचे चालक रामा तारी आणि डंपर चालक गुरु तारी यांचे ते वडील होत तर राजन तारी यांचे ते काका होत. त्यांच्या पश्चात दोन मुलगे, दोन मुली, सुना पुतणे, नातवंडे, जावई असा परिवार आहे.
