आगामी काळात मोबाईल फोन्स 3 टक्क्यापर्यंत महागण्याचे संकेत

नवीदिल्ली : देशामधील मोबाईल फोन जवळपास 3 टक्क्यापर्यंत महागण्याचे संकेत आहेत, कारण सरकारकडून डिस्प्लेवरील आयात शुल्क जवळपास 10 टक्क्मयांपर्यंत करण्यात येणार आहेत. सदरच निर्णयाचा परिणाम येत्या काळात राहणार असल्याचे संकेत इंडियन सेल्युलर ऍण्ड इलेक्ट्रॉनिक्स असोसिएशन (आयसीइए) यांच्याकडून देण्यात आले आहेत. उद्योगासह 2016 मध्ये घोषित केलेल्या फेज्ड मॅन्यूफॅक्चरिंग प्रोगॅमसह डिस्प्ले असेंबली आणि टच पॅनेल 1 ऑक्टोबरपासून शुल्क लावण्याचा प्रस्ताव होता. आयसीइएचे राष्ट्रीय चेअरमन पंकज मोहिंदू यांनी बोलताना म्हटले आहे, की सदरच्या शुल्क वाढीमुळे मोबाईल फोनच्या किंमतीवर साधारण 1.5 ते 3 टक्क्मयांचा प्रभाव राहणार असल्याचा अंदाज व्यक्त केला आहे. कंपोनेंटचे देशातील उत्पादन वाढल्याने आणि आयातीमध्ये घट झाल्याच्या कारणामुळे सदरचे शुल्क आकारण्यात आल्याचे स्पष्टीकरण यावेळी दिले आहे. आयसीइएमध्ये सदस्य असणाऱयांमध्ये ऍपल, हुआई, शाओमी, वीवो आणि विंस्टान यासारख्या कंपन्यांचा समावेश आहे. ट्विनस्टार डिस्प्ले टेक्नालॉजीच्या नावानी सदर युनिटवर जवळपास 68,000 कोटी रुपयाची गुंतवणूक करण्याची योजना होती. सदर प्रस्तावावर सरकारकडून अजूनही मंजुरी मिळालेली नाही.