ऑनलाईन टीम / नवी दिल्ली :
काँग्रेस नेते शशी थरूर यांनी ट्विट करून सुषमा स्वराज यांचे पती स्वराज कौशल यांच्यावर निशाणा साधला आहे. नसीरुद्दीन शाह यांच्यावर करण्यात आलेल्या टिकेवरून शशी थरूर यांनी त्यांना ट्विट करत सवाल केला की, आंतरधर्मीय लग्न करणं राष्ट्रविरोधी आहे का?
दरम्यान, सीएए आणि एनसीएच्या मुद्यावरून सर्वच क्षेत्रामध्ये चर्चा होताना दिसत आहे. यावरून अभिनेते नसीरुद्दीन शाह आणि अनुपम खेर यांच्यात वाद निर्माण झाला होता. या वादात उडी घेत स्वराज कौशल यांनी नसीरूद्दीन यांच्यावर टिका केली होती. तर अनुपम खेर यांचे समर्थन केले होते.
स्वराज म्हणाले होते, मिस्टर नसिरुद्दीन शाह, तुम्ही एक कृतघ्न व्यक्ती आहात. या देशाने आपल्याला ओळख दिली, प्रसिध्दी दिली आणि पैसेदेखील दिले. परंतु, तरीही तुम्ही निराश आहात. तुम्ही आंतरधर्मीय विवाह केला, परंतु तुम्हाला कोणीही एका शब्दाने देखील बोलले नाही.
आता यावर स्वराज कौशल यांना शशी थरूर यांनी सुनावले आहे. थरूर यांनी लिहिलं की, आंतरधर्मीय लग्न करणं राष्ट्रविरोधी आहे का?
