ऑनलाईन टीम / श्रीनगर :
जम्मू-काश्मीरच्या अवंतीपोरामधील त्राल परिसरात सुरक्षा दल आणि दहशतवाद्यांमध्ये चकमक सुरू आहे. या चकमकीत जैश-ए-मोहम्मदच्या टॉप कमांडरचा खात्मा करण्यात सुरक्षा दलाला यश आले आहे. शाम सोफी असे खात्मा करण्यात आलेल्या त्या कमांडरचे नाव आहे.
त्राल परिसरातील तिलवानी मोहल्ला वग्वाद येथे काही दहशतवादी लपल्याची माहिती सुरक्षा दलांना मिळाली होती. त्यानुसार शोधमोहिम हाती घेण्यात आली. दरम्यान, या परिसराला सुरक्षा दलांनी घेराव घातल्यानंतर दहशतवाद्यांनी गोळीबार सुरू केला. या गोळीबाराला सुरक्षा दलानेही चोख प्रत्युत्तर दिले. यात जैश-ए-मोहम्मदच्या टॉप कमांडरचा खात्मा करण्यात सुरक्षा दलाला यश आले.
