भारत, ब्रिटनमध्ये द्विपक्षीय तिरंगी सेवांच्या कवायती
प्रतिनिधी/ रत्नागिरी
ब्रिटन आणि भारतीय सशस्त्र दलांदरम्यान ’कोकण शक्ती 2021’ या पहिल्या द्विपक्षीय तिरंगी सेवा सरावाचा सागरी टप्पा अरबी समुद्रात कोकण किनारपट्टीपासून सुरू झाला. रॉयल नेव्हीद्वारे संचालित भारतीय स्कॉर्पिन-क्लास पाणबुडी आणि पाण्याखालील रिमोट-नियंत्रित वाहनासह उप-पृष्ठीय सराव रात्रभर करण्यात आला.
भारतीय नौदलाच्या अधिकाऱयाने दिलेल्या माहितीनुसार, सर्व सहभागी युनिट्स पूर्व-नियुक्त ठिकाणी लष्कराच्या भू-सैन्यांना उतरवण्यासाठी समुद्र नियंत्रण साध्य करण्याच्या उद्देशाने दोन विरोधी सैन्यात विभागले गेले होते. एका दलाचे नेतृत्व फ्लॅग ऑफिसर कमांडिंग वेस्टर्न फ्लीट करत होते. त्यात प्रमुख INS चेन्नई भारतीय नौदलाच्या इतर युद्धनौका आणि रॉयल नेव्हीचे टाइप 23 फ्रिगेट HMS रिचमंड यांचा समावेश होता. यूके पॅरियर स्ट्राइक ग्रुप (UK Career Strike Group) अंतर्गत कार्यरत असलेल्या इतर दलात विमानवाहू जहाज, HMS क्वीन एलिझाबेथ, इतर यूके आणि नेदरलँड नौदल जहाजे आणि भारतीय युद्धनौका यांचा समावेश होता.
दोन्ही सैन्याने त्यांच्या गटांमध्ये सागरी मार्गावर भरपाई, हवाई दिशा आणि लढाऊ विमाने (मिग 29Ks आणि F35Bs) यांचे स्ट्राईक ऑपरेशन्स, हेलिकॉप्टरचे क्रॉस कंट्रोल, ट्रांझिटिंग यांसारख्या सरावांसह एकत्रित कार्य केले. लष्कराच्या तुकडय़ांचे सिम्युलेटेड इंडक्शनही हाती घेण्यात आले आणि त्यानंतर संयुक्त कमांड ऑपरेशन सेंटरची स्थापना करण्यात आली.
