कोरोनाबळींची संख्या पावणेदोन लाखांवर
ऑनलाईन टीम / वॉशिंग्टन :
अमेरिकेत आतापर्यंत 56 लाख 55 हजार 974 जणांना कोरोनाची बाधा झाली आहे. त्यामधील 30 लाख 11 हजार 098 रुग्ण या आजारातून बरे झाले असून, त्यांना डिस्चार्ज देण्यात आला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
अमेरिकेत मंगळवारी 43 हजार 999 नवे कोरोना रुग्ण आढळून आले. तर 1358 जणांचा मृत्यू झाला आहे. सध्या अमेरिकेत 24 लाख 69 हजार 802 रुग्णांवर उपचार सुरू आहेत. त्यामधील 16 हजार 966 रुग्णांची प्रकृती चिंताजनक आहे. तर 1 लाख 75 हजार 074 जणांचा मृत्यू झाला आहे. जगातील सर्वात जास्त कोरोना संक्रमण अमेरिकेत झाले असून, दिवसेंदिवस तेथील रुग्णसंख्या 40 ते 50 हजारांनी वाढत असल्याने परिस्थिती चिंताजनक बनली आहे.
ब्राझीलमध्ये 25 लाख कोरोनामुक्त
ब्राझीलमध्ये 34 लाख 11 हजार 872 जणांना कोरोनाची बाधा झाली आहे. त्यामधील 25 लाख 54 हजार 179 रुग्ण कोरोनामुक्त झाले आहेत. अजूनही 7 लाख 47 हजार 674 रुग्ण उपचार घेत आहेत. तर 1 लाख 10 हजार 019 रुग्णांचा मृत्यू झाला आहे.
