अमेरिकेत दुसऱया लसीला मंजुरी

अमेरिकेने दोन आठवडय़ांमध्ये दुसऱया लसीला मंजुरी दिली आहे. फूड अँड ड्रग ऍडमिनिस्ट्रेशनने शुक्रवारी रात्री मॉडर्नाच्या लसीला मंजुरी दिली आहे. यापूर्वी फायजरच्या लसीला मंजुरी देण्यात आली होती. दोन्ही लसींना मंजुरी देण्यासाठी एफडीएफच्या एका समितीने दबाव आणला होता. परंतु ही समिती अमेरिकेतील तज्ञांचीच होती. मॉडर्नाच्या लसीलाही आरएनए तंत्रज्ञानाद्वारे तयार करण्यात आले आहे. चालू आठवडय़ाच्या अखेरपर्यंत मॉडर्ना 60 लाख डोस प्रशासनाला सोपविणार आहे. मॉडर्नाच्या लसीला मंजुरी सुमारे 30 हजार स्वयंसेवकांवरील परीक्षणानंतर देण्यात आली आहे. परीक्षणादरम्यान लस 95 टक्के प्रभावोत्पादक आढळून आली