ऑनलाईन टीम / न्यूयॉर्क :
अमेरिकेत कोरोनाबळींची संख्या 3 लाखांच्या उंबरठ्यावर येऊन ठेपली आहे. या देशात आतापर्यंत 1 कोटी 60 लाख 39 हजार 796 जणांना कोरोनाची बाधा झाली आहे. त्यामधील 2 लाख 99 हजार 692 रुग्णांचा मृत्यू झाला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
अमेरिकेत गुरुवारी 2 लाख 17 हजार 779 नवे कोरोना रुग्ण आढळले. तर 2974 जणांचा मृत्यू झाला. 1.60 कोटी कोरोना रूग्णांपैकी 93 लाख 30 हजार 865 रुग्ण या आजारातून बरे झाले असून, अजूनही 64 लाख 09 हजार 839 ॲक्टिव्ह केसेस आहेत. त्यामधील 27 हजार 352 रुग्णांची प्रकृती चिंताजनक आहे.
न्यूयॉर्कमध्ये कोरोनाबळींची संख्या जास्त आहे. येथे 7 लाख 82 हजार 680 रुग्ण आढळून आले. त्यामधील 35 हजार 326 जणांचा मृत्यू झाला आहे.
