ऑनलाईन टीम / वॉशिंग्टन :
अमेरिकेच्या ओहिओ प्रांतातील सिनसिनाटी शहरात रविवारी 3 विविध ठिकाणी गोळीबाराच्या घटना घडल्या. या गोळीबारात 8 जण जागीच ठार झाले, तर 18 जण जखमी झाले आहेत. अमेरिकेतील स्थानिक मीडियाने यासंदर्भात वृत्त प्रसिद्ध केले आहे.
सिनसिनाटी शहरात एक ते दीड तासाच्या अंतरात हे गोळीबार करण्यात आले आहेत. मात्र, या तिन्ही ठिकाणच्या गोळीबाराचा एकमेकांशी कोणताही संबंध नसल्याचे पोलिसांनी म्हटले आहे.
सहाय्यक पोलीस प्रमुख पॉल न्यूडिग यांनी सांगितले की, पहिला गोळीबार शहराच्या ओवर-द-रिने येथे झाला. तिथे तिथे 10 जण जखमी झाले. तर एकाचा मृत्यू झाला. दुसरा गोळीबार वॉलनट हिल्स भागात झाला. येथे 3 जण ठार झाले. तर तिसरा गोळीबार अवोंडेलच्या परिसरात झाला. तिथे 4 जण ठार झाले. तर 8 जण जखमी झाले.
