पुणे \ ऑनलाईन टीम
अप्सरा फेम सोनाली कुलकर्णीने काही दिवसांपूर्वी दुबईत कुणाल बेनोडेकरसोबत लग्न केले. लग्नामुळे सोनली कुलकर्णी सोशल मीडियावर चांगलीच चर्चेत होती. मात्र आता दुसरीकडे तिच्याबाबतीत एक धक्कादायक बातमी समोर आली आहे. सोनाली कुलकर्णीच्या पुण्यातील घरी चोरट्याने तिच्या वडिलांवर हल्ला केल्याचे समोर आले आहे.
निगडी येथील घरात ही घटना घडली आहे. अज्ञात हल्लेखोराने सोनालीच्या वडिलांवर चाकूने हल्ला केला. यात ते जखमी झाले आहेत. या प्रकरणी निगडी पोलिसांत तक्रार दाखल करण्यात आली आहे. गुन्हा नोंदवण्याची प्रक्रिया सुरू आहे.
