अभिनेत्री गौरी कुलकर्णी म्हणजेच, ऑलमोस्ट सुफळ संपूर्णमधील सई या टाळेबंदीच्या काळात स्वत:च्या सगळय़ा आवडी पूर्ण करते आहे. ती सध्या स्वयंपाकाचे धडे घेत आहे.
अभिनेत्री गौरी कुलकर्णी म्हणाली की, मला नफत्याची खूप आवड आहे. ही आवड मी मनापासून जोपासते आहे. कंटाळा घालवण्यासाठी, मनावरील ताण हलका होण्यासाठी, नफत्य नेहमीच मदत करते. त्यामुळे रोजचा थोडावेळ मी नफत्यकलेसाठी देते. माझी आवडती गाणी लावून मी मनसोक्त डान्स करते. स्वयंपाक शिकण्याबद्दल गौरीने सांगितले की, मला स्वयंपाकाची खूप आवड आहे. पण, मला अजूनही छान थालीपीठ करता येत नाही. त्यामुळे मी एकदिवस आईच्या मार्गदर्शनाखाली थालीपीठ बनवण्याचा सराव केला. इतरही अनेक पदार्थ मी बनवते आहे. अनायसे घरी बसावं लागत असल्यामुळे मी माझी स्वयंपाकाची आवड पूर्ण करून घेतेय. कुटुंबासोबत वेळ घालवण्याची संधी लॉकडाऊनमध्ये मिळाली आहे. कुटुंबासोबत काय धमाल आणि मजा करते आहेस? या प्रश्नाला उत्तर देताना ती म्हणाली की, घरी रोज आमचा पॅरमचा डाव रंगतो. सहसा मी, भय्या, माझी लहान बहीण इशू आणि बाबा असे चौघे मिळून पॅरम खेळतो. एकमेकांची थट्टा मस्करी करणं, छान गप्पा मारणं, आणि सोबतीने रंगलेला पॅरमचा डाव यात वेळ कसा जातो ते कळत सुद्धा नाही. पण, यानिमित्ताने कुटुंबासोबत बराच निवांत वेळ घालवता येतोय, याचा आनंद आहे. मी माझ्या आवडीच्या सगळय़ा गोष्टी घरी राहून करते आहे. घरी बसून वेळ घालवण्याचे खूप मार्ग आहेत. तुम्ही सगळय़ांनी सुद्धा घरी राहा, तुमच्या आवडीनिवडी जपा. घरच्यांसोबत वेक घालवा आणि अर्थातच त्यांची आणि तुमच्या तब्येतीची काळजी घ्या, असे आवाहन गौरीने केले.
