टिळकवाडी पोलीस स्थानकात एफआयआर
प्रतिनिधी / बेळगाव
रघुनाथपेठ, अनगोळ येथील एक युवक गेल्या 20 दिवसांपासून बेपत्ता झाला आहे. यासंबंधी टिळकवाडी पोलीस स्थानकात एफआयआर दाखल करण्यात आला असून पोलीस पुढील तपास करीत आहेत.
बसवंत श्रीकांत चौगुले (वय 40) असे त्याचे नाव आहे. दि. 4 ऑक्टोबर रोजी सकाळी 10 वाजता साताऱयाला जावून येण्याचे सांगून बसवंत आपल्या घराबाहेर पडला होता. तो अद्याप घरी परतला नाही. त्याची पत्नी मंगला चौगुले यांनी टिळकवाडी पोलीस स्थानकात फिर्याद दिली आहे.
5.8 फूट उंची, गहू वर्ण, अंगाने सुदृढ असे त्याचे वर्णन आहे. त्याने आपल्या अंगावर काळा शर्ट, निळी जिन्स पॅन्ट परिधान केले आहे. बसवंत हा कन्नड, मराठी, हिंदी बोलतो. त्याच्या विषयी कोणाला माहिती मिळाल्यास 0831-2405238 या क्रमांकावर टिळकवाडी पोलीस स्थानकाशी संपर्क साधण्याचे आवाहन करण्यात आले आहे.
