इस्लामपूर / प्रतिनिधी
वाळवा तालुक्यातील नेर्ले येथे पुणे-बेंगलोर महामार्गावरील रिलायन्स पेट्रोल पंपा जवळ अज्ञात वाहनाच्या धडकेत तीन वर्षीय मादी बिबट्याचा मृत्यू झाला आहे. ही घटना मध्यरात्री दोन वाजण्याच्या सुमारास घडली.
याबाबत कासेगाव पोलिसांनी शिराळा वनविभागास माहिती दिली. त्या नंतर वनक्षेत्रपाल सचिन जाधव, वनपाल सुरेश चरापले, वनरक्षक अमोल साठे, वनकर्मचारी बाबासाहेब गायकवाड यांनी घटनास्थळी भेट दिली. मादी जातीचा सुमारे अडीच ते तीन वर्षाचा आहे. इस्लामपूर येथील वनविभागाच्या कार्यालयात सहायक वनसंरक्षक डॉ. अजित साजणे, मानद वन्यजीव रक्षक डॉ. अजितकुमार पाटील, वनक्षेत्रपाल सचिन जाधव यांच्या उपस्थितीत डॉ. अंबादास माडकर यांनी शवविच्छेदन करण्यात आले.
