प्रतिनिधी / शिरोळ
नृसिंहवाडी (ता. शिरोळ) येथील शाकंबरी मोबाईल व सुयोग पान , बेकर्स या दुकानाचे शटर्सचे कुलूप तोडून अज्ञात चोरट्याने २२ हजार ५९९ रुपयाचा मुद्देमाल चोरुन नेल्याची घटना बुधवारी उघडकीस आली, याबाबतची फिर्याद उदय दत्तात्रय जोशी यांनी शिरोळ पोलिसांत दिली आहे.
पोलिसांनी सांगितले की, ग्रामपंचायतीच्या दोन नंबरच्या गाळ्यामध्ये उदय जोशी यांचे दुकान असून यामध्ये मोबाईल शॉपी आहे. मंगळवारी मध्यरात्री अज्ञात चोरट्यांनी शटरचे कुलूप तोडून,लोखंडी सळीने शटर उचकटून आत प्रवेश केला. दुकानातील मोबाईल संच, रोकड व अन्य साहित्य असा मुद्देमाल चोरुन नेला. बुधवारी सकाळी दुकान मधील चोरीचा प्रकार उघडकीस आला , अधिक तपास शिरोळ पोलीस करीत आहेत.
