तरुण भारत संवाद प्रतिनिधी / कुर्डुवाडी
कडी कोयंडा उचकटून अज्ञात चोरट्यांनी रोख रकमेसह २५ हजारांचा ऐवज लांबविला. ही घटना मंगळवार दि.१ च्या रात्री पिंपळनेर ( ता. माढा) येथे घडली.
फिर्यादी प्रमोद चंद्रकांत ढगे ( वय ३५, रा पिंपळनेर) यांच्या फिर्यादीवरुन कुर्डुवाडी पोलिसांत गुन्हा दाखल झाला आहे.
फिर्यादी ढगे यांचे पिंपळनेर येथे कृषी सेवा संजीवनी सेवा केंद्र हे दुकान असून दुकानाच्या मागेच त्यांची दुमजली इमारत आहे. मंगळवारी रात्री फिर्यादी व त्यांचे कुटुंबिय जेवण करुन घरी झोपले असता चोरट्यांनी घराचा कोयंडा उचकटून घरात प्रवेश करुन हॉलमधील कपाटातील १० हजार ८०० रुपये किमतीचे दोन मोबाईल, ७०० रुपये किमतीची नथ व रोख १३ हजार ५०० रुपये असा २५ हजार रुपये किमतीचा ऐवज चोरुन नेला.
