सांगली/प्रतिनिधी
गेल्या काही दिवसांपासून चर्चेत असलेल्या सांगली जिल्हा परिषदेच्या सुमारे पाच कोटी खर्चाच्या वादग्रस्त वॉटर एटीएम चे टेंडर रद्द करण्याचा महत्त्वपूर्ण निर्णय गुरुवारी जिल्हा परिषदेच्या ऑनलाईन सभेत घेण्यात आला. या विषयावरून जिल्हा परिषदेच्या मागील सभेत मोठे वादंग व आरोप-प्रत्यारोप झाले होते. अखेर हे टेंडरच रद्द करण्याचा निर्णय जिल्हा परिषद अध्यक्षा प्राजक्ता कोरे यांच्या अध्यक्षतेखालील सभेत घेण्यात आला. या विषयावरून जिल्हा परिषदेची मागील सभा तहकूब करावी लागली होती.
