आज वाढले १३ रुग्ण
प्रतिनिधी / अक्कलकोट
अक्कलकोट शहर-तालुक्यात शनिवारी कोरोनाबाधित १३ रुग्ण मिळाल्याने खळबळ उडाली आहे. अक्कलकोट तालुक्यातील करजगी (१), जेऊरवाडी (२), बोरगाव देशमुख (१), समर्थ नगर (३), विजय नगर ग्रामीण (२), बुधवार पेठ (१), माणिक पेठ (१), भीम नगर (१), संजय नगर (१) असे एकूण आज तेरा कोरोनाबधित रुग्ण अक्कलकोट शहर-तालुक्यात आढळून आलेले आहेत. आता एकूण अक्कलकोट कोरोनाबधित रुग्ण संख्या ही ९८ इतकी झाली आहे.अशी माहिती तहसीलदार अंजली मरोड यांनी दिली आहे.
अक्कलकोट शहर-तालुक्यात एकूण कोरोनाबधित रुग्ण संख्या ९८ इतकी झाली असून एकूण मृत रुग्ण संख्या ०७ वर पोहचली आहे. कोरोनावर मात केलेल्यांची संख्या ३२ झाली असून ५९ जणांवर उपचार सुरू आहे. अक्कलकोट शहर-तालुक्यात कोरोनाचे रुग्ण मिळत असल्याने नागरिकात चिंतेचे वातावरण पसरले आहे.
