वार्ताहर/ कुडाळ
पागणीच्या तळमाळ परिसरात पोकलेन मशीनने मोठं उत्खनन झालं असून या ठिकाणी महसूल व नगरपालिका प्रशासन गांधारीच्या भुमिकेत असल्याचं पहायला मिळतय. पाचगणीच्या एका थ्री स्टार हॉटेल माकल शोरम नावाच्या धनिकाने पर्यावरणाचे नियम धाब्यावर बसून हजारो ब्रास पोकलेनच्या मशीनद्वारे उत्खनन करत विहिरीसारखा 60 फुट खोल भला मोठा खड्डा काढला आहे. त्यातून निघालेले दगड, मुरूम मातीद्वारे प्लॉट निर्मिती करण्याचा उद्योग मांडला आहे.
कवडीमोल किमतीने जमीन विकत घेत डोंगर पोखरून यापेक्षा या धनिकाने चक्क जमिनीपासून खाली साठ फूट खोल विहिरी प्रमाण एक खड्डा काढून त्यातील येणारे गौणखनिज यातूनच प्लॉटिंग करण्याचा उद्योग काढला आहे. तहसील कार्यालयाची किरकोळ रॉयल्टी भरून घेतलेली परवानगी या परवानगीच्या नावाखाली हजारो ब्रास उत्खनन करून हजाराची घेतली गेलेली जमीन करोडो करण्याचा उद्योग व घाट घातला गेला आहे. शोरम नावाच्या या धनिकाने पाचगणित भले मोठे हॉटेल देखील आहे.
महाबळेश्वर आणि पाचगणी ही दोन्ही थंड हवेची ठिकाणे इकोसंसिटीव्ह झोन म्हणुन ओळखली जातात. इथल्या निसर्गाला जतन करुन ठेवण्यासाठी याठिकाणी वेगळी नियमावली आहे. इथल्या नियमांचा भंग केल्यास मोठय़ा दंडांची शिक्षा देखील होते. या ठिकाणी घरबांधण्याकरीता किंवा व्यवसायासाठी नियम पाळुन उत्खन्न करण्याची परवानगी आहे असं असताना मात्र नियमांची पायमल्ली करत नियमांच्या बाहेर जावुन कामं केली जात आहेत. असाच एक प्रकार पाचगणीच्या तळेमाळ या ठिकाणी निदर्शनास आला आहे एका व्यावसायिकाने उत्खननाची जुजबी परवानगी मिळवलीये. मात्र या परवानगीचा दुरुपयोग करत सुमारे 60 ते 70 फुट खोल विहीरीच्या नावाखाली उत्खनन या ठिकाणी केल्याचं पहायला मिळालं असुन प्रशासकीय अधिकाऱयांना याचा सुगावा देखील लागला नाही. एका भल्यामोठय़ा बंगल्याच्या शेजारी चललेल्या या उत्खननाला कोणाचं अभय आहे असा सवाल आता निर्माण झाला असून सिडनी पॉईंटच्या शेजारी कचरा डेपोच्या काही दूर अंतरावर तळमाळ या ठिकाणी हे उत्खनन झालं आहे.
सर्व प्रकार दाखवण्यासाठी प्रसार माध्यमं या ठिकाणी पोहोचली मात्र आमच्याकडे परवाणगी आहे असं उत्तर संबंधित मालकांनी दिलं आहे. मात्र उत्खननाला दिलेल्या परवाणगी प्रमानेच काम सुरु आहे का हे तपासण्याची जबाबदारी त्याच प्रशासनाची आहे असं असताना सुद्धा परवानगी दिल्यावर नक्की त्या ठिकाणी काय केलं गेल किती उत्खनन झालं हे पाहण्याची जबाबदारी सुद्धा प्रशासकीय अधिकारी झटकत असल्याचं दिसून येतय त्यामुळे पाचगणीच्या निर्सगाची चाल्लेली हानी कधी थांबणार हाच मोठा प्रश्न याठिकाणी उपस्थित झाला आहे. या व्यावसायिकावर कोणती कारवाई होणार की चिरिमिरी घेऊन याला सोडुन दिलं जाणार हे पाहणं महत्वांच असेल.
