पंचमच्या चौदाव्या वर्षाची अनोखी सुरुवात : गायक राहूल देशपांडे यांची मैफिल
प्रतिनिधी/ सातारा
गेली 13 वर्षे सातत्याने सातारा शहर आणि परिसरात शास्त्राrय संगीत, वादन, नृत्य या कलांचा प्रसार आणि प्रचार करणाऱया पंचम ग्रुपतर्फे चौदाव्या वर्षाची सुरुवात एका अनोख्या कार्यक्रमाने केली जाणार आहे. श्रेष्ठ गायक स्व. पंडीत वसंतराव देशपांडे यांच्या जन्मशताब्दी वर्षानिमित्त ’वसंतोत्सव 2020 – वसंतराव एक स्मरण! हा कार्यक्रम आयोजित केला आहे. वसंतराव देशपांडे यांचे नातू आणि आजचे आघाडीचे तरुण गायक राहुल देशपांडे हे हा कार्यक्रम सादर करणार असल्याची माहिती पंचमचे अध्यक्ष श्रीराम कुलकर्णी यांनी दिली.
सातारा येथे पंचम ग्रुपच्या वतीने दि 2 फेब्रुवारीला जिल्हा परिषदेच्या यशवंतराव चव्हाण बहुउद्देशीय सभागृहात ’वसंतोत्सव 2020’ मैफिल आयोजित करण्यात आली यासंदर्भात माहिती देण्यासाठी आयोजित पत्रकार परिषेदत ते बोलत होते. कुलकर्णी म्हणाले, 2 फेब्रुवारी रोजी साताऱयात ’वसंतोत्सव 2020 आयोजित केला असून संगीत क्षेत्रातील दिग्गजांच्या गायनाचा आस्वाद रसिकांना घेता येणार आहे. पंचमचा चौदाव्या वर्षातील पहिला कार्यक्रम आहे.
पंडित वसंतराव देशपांडे प्रतिष्ठान तर्फे गेली अनेक वर्षे वसंतोत्सव पुणे आणि मुंबई येथे आयोजित केला जात आहे. यावर्षी श्रेष्ठ गायक पंडित वसंतराव देशपांडे यांच्या जन्मशताब्दी वर्षा निमित्त वसंतराव एक स्मरण हा कार्यक्रम पुणे व मुंबई व्यतिरिक्त दहा-बारा शहरांमध्ये करण्याचे योजिले आहे. त्यातील पहिला मान पंचम
ग्रुपच्या कार्यकारिणीच्या प्रयत्नाने सातारा शहराने मिळविला आहे. पंचम ग्रुपने गेली तेरा वर्षे अनेक दिग्गज कलाकारांच्या मैफिलीचे यशस्वीरित्या आयोजन केले आहे. गायन वादन आणि नृत्य या तीनही कलांचे सादरीकरण करण्याचा प्रयत्न पंचम ग्रप तर्फे केला जातो.
पंचमच्या नोंदणीस उत्स्फूर्त प्रतिसाद
या वर्षातील सभासद नोंदणी धूमधडाक्यात सुरू आहे. पंचम ग्रुप तर्फे एका वर्षात चार कार्यक्रमांचे आयोजन केले जाते सभासद वर्गणी वार्षिक रुपये रुपये 1000 प्रति व्यक्ती अशी आहे. शास्त्राrय संगीताचा प्रचार व प्रसार या उद्देशातून या ग्रुपची स्थापना झाली आहे. याचाच एक भाग म्हणून विद्यार्थ्यांना वार्षिक नोंदणीत भरघोस सवलत जाहीर केली आहे. विद्यार्थ्यांना वार्षिक सभासद वर्गणी फक्त रुपये सहाशे प्रति असणार आहे. वार्षिक सभासद नोंदणी’ देवकुळे वॉच कंपनी’ मोती चौक, ’ड्रेसवेल’ नगरपालिका शॉपिंग सेंटर तसेच ’राज मेडिकल्स’ पोवई नाका सातारा येथे सुरू आहे.
’बुक माय शो’वर प्रवेशिका उपलब्ध
केवळ या कार्यक्रमासाठी पहिल्या काही रांगांमधील विशेष देणगी प्रवेशिका आणि बालकनी मधील देणगी प्रवेशिका फक्त ’बुक माय शो’ या प वर उपलब्ध असणार आहेत. सातारकर रसिकांनी राहल देशपांडे यांच्या या विशेष मैफिलीचा आस्वाद घ्यावा असे आवाहन पंचमचे अध्यक्ष श्रीराम कुलकर्णी यांनी केले आहे. यावेळी पंचमचे सचिव डॉ. समीर सोहनी, उपाध्यक्ष डॉ. गिरीश कुलकर्णी, खजिनदार दीपक खांडके, सदस्य अमेय आगटे, सुधीर पाध्ये हे उपस्थित होते.
दिग्गज कलावंतांची मैफिल
पंचम ग्रुप सातारा आणि व्हायोलिन अकॅडमी पुणे यांच्या संयुक्त विद्यमाने वसंतराव एक स्मरण हा कार्यक्रम होणार आहे. या विशेष मैफिलीमध्ये राहल देशपांडे यांच्या समवेत प्रियांका बर्वे यासह गायिका असणार आहेत. या कार्यक्रमामध्ये निखिल फाटक (तबला), आदित्य ओक (संवादिनी), सत्यजित प्रभू (सिंथेसायझर), अमर ओक (बासरी) असे विविध गुणी कलाकार साथ-संगत करणार आहेत. वैभव जोशी आणि स्पृहा जोशी हे दोघेजण कार्यक्रमाचे सूत्रसंचालन करणार आहेत.
