सातारा तालुक्यातील लिंब, कुमठे, नागठाणेला उत्तेजनार्थ
जिल्ह्यातील 72 प्राथमिक आरोग्य केंद्रापैकी 7 आरोग्य केंद्रांना पुरस्कार जाहीर
सातारा/प्रतिनिधी
जिल्ह्यातील 72 प्राथमिक आरोग्य केंद्रापैकी 7 आरोग्य केंद्रांना कायाकल्पचा पुरस्कार जाहीर झाला आहे. यामध्ये प्रथम क्रमांक कराड तालुक्यातील रेठरेच्या प्राथमिक आरोग्य केंद्राने पटकावला आहे. सातारा तालुक्यातील कुमठे, नागठाणे आणि लिंब यांनी उत्तेजनार्थ तर कराड तालुक्यातील मसूर, कोरेगाव तालुक्यातील तडवळे आणि खंडाळा तालुक्यातील आहिरे यांनी उत्तेजनार्थ क्रमांक मिळवले. वाई, खटाव, माण, जावली, फलटण आणि पाटण या तालुक्यातील एकही प्राथमिक आरोग्य केंद्र चमकदार कामगिरी करू शकले नाही.
