वार्ताहर / येलूर
येडेनिपाणी ता. वाळवा येथे वादळी वाऱ्यासह पाऊस व गारपीठ होऊन शेतीचे मोठे नुकसान झाले होते. त्याची पाहणी आमदार मानसिंगराव नाईक यांनी बुधवारी केली. हिंदुराव माळी, सुनील धारे, कृष्णात पाटील, माणिक थोरात, अशोक देसाई व अनंत पाटील या शेतकऱ्यांचे केळी, शेवगा, झेंडू, ढबु मिरची,ऊस व कारली या पिकांचे मोठे नुकसान झाले आहे.
त्याची पाहणी करून नुकसानीच्या पंचनाम्याची माहिती घेतली. शासन दरबारी प्रयत्न करून जास्तीत जास्त मदत मिळवून देण्यासाठी प्रयत्न करू , असे आश्वासन त्यांनी दिले.
