प्रतिनिधी / मिरज
तालुक्यातील कांचनपूर येथे बंद घर फोडून अज्ञात चोरट्यांनी रोख रक्कम आणि सोन्या-चांदीचे दागिने असा 52 हजार रुपयांचा ऐवज चोरून नेला. याबाबत सचिन सिद्राम शिंदे (वय 31, रा. शिंदे गल्ली, कांचनपूर) यांनी मिरज ग्रामीण पोलिसात फिर्याद दिली आहे.
कांचनपूर येथे अहिंडे गल्लीत सचिन शिंदे यांच्या घराशेजारी धनंजय सूर्यवंशी हे राहण्यास आहेत. ते घराला कुलूप लावून बाहेर गेले होते. गुरुवारी रात्रीच्या सुमारास अज्ञात चोरट्यांनी कडीकोयंडा उचकटून आत प्रवेश केला. घरातील 38 हजार, 500 रुपयांची रोख रक्कम आणि सोन्याचे दागिने असा 52 हजारांचा मुद्देमाल चोरून नेला. सकाळी हा चोरीचा प्रकार लक्षात आल्यानंतर शिंदे यांनी मिरज ग्रामीण पोलिसात फिर्याद दिली आहे.
