प्रतिनिधी/ बेळगाव
कृष्णाई क्रिएटिव्हज कराड या समूहाच्या वतीने आयोजित शिवपूत्र संभाजी या महानाटय़ाच्या भव्य रंगमंचाचे भूमिपूजन नुकतेच उत्साहात पार पडले.
कृष्णाई क्रिएटिव्हज या समूहाच्या माध्यमातून जगदंब क्रिएशन निर्मित महेंद्र वसंतराव महाडिक दिग्दर्शित व डॉक्टर अमोल कोल्हे यांच्यासह 250 हून अधिक दिग्गज कलाकारांच्या कलेतून साकारलेले व संभाजी महाराजांचा पराक्रम सांगणारे शिवपुत्र संभाजी हे महानाटय़ कल्याणी ग्राउंड बैल बाजार येथे 28 एप्रिल ते 3 मे अखेर सादर होत आहे. या दिमाखदार महानाटय़ाच्या भव्य रंगमंच पूजनाचा कार्यक्रम नुकताच पार पडला. हिंदू एकता आंदोलनचे जिल्हाध्यक्ष विक्रम पावसकर व शिवाजीराव पवार यांच्या हस्ते भूमिपूजन करण्यात आले.
विक्रम पावसकर यांनी देशाच्या भावी पिढीला इतिहास माहित होण्यासाठी या महानाटय़ाची गरज आहे. कराड आणि पंचक्रोशीतील लोकांनी या महानाटय़ाचा लाभ घ्यावा. या महानाटय़ासाठी माझे व हिंदू एकता आंदोलनचे सहकार्य राहील, असे सांगितले. कार्यक्रमास कृष्णाईचे वासू पाटील, दीपक शिंदे, प्रसाद देशपांडे विनायक कवडे आणि तमाम शंभूप्रेमी व शिवप्रेमी उपस्थित होते.
