वार्ताहर / उचगांव
कोल्हापूर दक्षिण मतदार संघातील गडमुडशिंगी गावातील तसेच छत्रपती राजाराम साखर कारखान्याच्या माजी संचालिका गीता सर्जेराव पाटील यांचा मुलगा सुदर्शन सर्जेराव पाटील यांच्यासह दोनशेहून अधिक कार्यकर्त्यांनी आज आम. ऋतुराज पाटील यांच्या उपस्थिती पालकमंत्री सतेज पाटील गटात प्रवेश केला आहे.
कोल्हापूर दक्षिण मतदार संघातील गडमुडशिंगी गावातील गेले अनेक वर्षे महाडिक गटाचे नेतृत्व करणारे व छत्रपती राजाराम साखर कारखान्याच्या माजी संचालिका गीता सर्जेराव पाटील यांचा मुलगा सुदर्शन सर्जेराव पाटील यांच्यासह गडमुडशिंगी मधील दोनशेहून अधिक कार्यकर्त्यांनी शनिवारी आमदार ऋतुराज पाटील यांच्या उपस्थितीत पालकमंत्री सतेज पाटील गटात प्रवेश केला.
यावेळी बोलताना आमदार ऋतुराज पाटील यांनी दक्षिण मतदारसंघासाठी विकासात्मक दृष्टिकोन ठेवून आम्ही सातत्याने काम करीत आहोत. आजपर्यंत पालकमंत्री सतेज पाटील तसेच पाटील कुटुंबीयावर कार्यकर्त्यांनी ठाम विश्वास ठेवला आहे. येथुन पुढेही कार्यकर्त्यांसाठी कुठेही कमी पडणार नाही. आगामी ग्रामपंचायत निवडणुकीमध्ये गावातील सर्वांनी एकत्र येवुन सतेज पाटील गटाचा झेंडा फडकवण्यासाठी सज्ज रहावे असे आ. पाटील यांनी आवाहन केले.
यावेळी सुदर्शन पाटील यांनी गडमुडशिंगी गावातील विकासासाठी सर्व कार्यकर्त्यांना एकत्र घेऊन पालकमंत्री सतेज पाटील व आमदार ऋतुराज पाटील यांच्या नेतृत्वाखाली काम करणार असल्याचे सांगितले. यावेळी माजी सभापती प्रदीप झांबरे, माजी जिल्हा परिषद सदस्य बाबासो माळी,यांच्यासह कार्यकर्ते उपस्थित होते.
