वृत्तसंस्था/ बुडापेस्ट
डब्ल्यूटीए टूरवरील येथे रविवारी झालेल्या बुडापेस्ट खुल्या महिलांच्या आंतरराष्ट्रीय टेनिस स्पर्धेत कझाकस्तानच्या युलिया पुतिनसेव्हाने एकेरीचे जेतेपद पटकाविले. डब्ल्यूटीए टूरवरील पुतिनसेव्हाचे हे दुसरे विजेतेपद आहे.
पुतिनसेव्हाने अंतिम सामन्यात युक्रेनच्या कॅलीनिनाचा 6-4, 6-0 अशा सरळ सेट्समध्ये पराभव केला. 2019 साली पुतिनसेव्हाने न्युरेमबर्ग टेनिस स्पर्धा जिंकली होती. आता ती टोकियो ऑलिंपिक स्पर्धेत दाखल होणार आहे.
