प्रतिनिधी / शिरोळ
बेकायदेशीर पानमसाला व तंबाखू पदार्थाचा साठा केल्याप्रकरणी मौजे आगर (ता शिरोळ )येथील लियाकत बाबासो गवंडी वय 37 याच्या विरोधात शिरोळ पोलीस ठाण्यात गुन्हा दाखल झाला असून पोलिसांनी त्याच्याकडून 41 हजार 958 रुपयांचा मुद्देमाल जप्त केला.
पोलिसांतून मिळालेली माहिती अशी की, शिरोळ – जयसिंगपूर मार्गावरील आगर फाटा कमानीजवळ लियाकत गवंडी याच्याजवळ विमल पान मसाला लिहिलेले पाऊच, स्टार पान मसाला व एक मोटरसायकल असा मुद्देमाल जप्त करण्यात आला, बुधवारी दुपारी अडीच वाजन्याच्या सुमारास पोलिसांनी ही कारवाई केली, याबाबतची फिर्याद पोलीस हेडकॉन्स्टेबल अशोक सरनाईक यांनी दिली आहे.
