सांगली / प्रतिनिधी
मराठा क्रांती मोर्चातर्फे सांगली येथे मंगळवारी सकाळी माजी समाज कल्याण मंत्री आणि भाजपचे मिरजेचे आमदार सुरेश खाडे यांच्या दारात हलगी बजाव आंदोलन करण्यात आले. विश्राम बाग येथे क्रांती सिंह नाना पाटील यांच्या स्मारकाला अभिवादन करून खाडे यांच्या निवास स्थानासमोर हलगी बजाव आंदोलन करण्यात आले. यानंतर आरक्षणाला पाठिंबा देणारे पत्र आमदार खाडे यांनी आंदोलकांना सोपवले. यामध्ये प्रधानमंत्री मोदी यांनी मराठा आरक्षण प्रश्नी लक्ष घालून आरक्षणाला संरक्षित करावे असे आवाहन असून राज्यात मराठा आरक्षणाला सर्वोतोपरी मदत करण्याचे आश्वासनही खाडे यांनी दिले
