वृत्तसंस्था/ जोहान्सबर्ग
भारताचा कनिष्ठ महिला हॉकी संघ सध्या दक्षिण आफ्रिकेच्या दौऱयावर आहे. या दौऱयात भारतीय कनिष्ठ महिला हॉकी संघाने आपल्या शेवटच्या सामन्यात दक्षिण आफ्रिका अ महिला संघाचा 4-0 अशा गोल फरकाने एकतर्फी पराभव केला.
या दौऱयामध्ये भारतीय कनिष्ठ महिला हॉकी संघाने एकही सामना गमावलेला नाही. भारतीय कनिष्ठ महिला हॉकी संघाने या दौऱयात 3 सामन्यात दक्षिण आफ्रिकेच्या 21 वर्षाखालील वयोगटाच्या महिला संघाला पराभूत केले. या दौऱयातील शेवटच्या सामन्यात भारतातर्फे दिपिका सिनियरने 13 व्या मिनिटाला पेनल्टी कॉर्नरवर गोल केला. त्यानंतर निलमने 15 व्या मिनिटाला तर अनूने 35 व्या तसेच सुनिता टोप्पोने 50 व्या मिनिटाला गोल करुन आपल्या संघाला एकतर्फी विजय मिळवून दिला.
