बेंगळूर : राज्यात कोरोनाच्या दुसऱया लाटेवर नियंत्रण आणण्यासाठी जारी करण्यात आलेल्या लॉकडाऊनमुळे प्रवासी वाहतूकसेवा ठप्प झाली होती. त्यामुळे प्रवासी वाहनमालक आर्थिक संकटात सापडले आहेत. त्यांच्याकरिता राज्य सरकारने दिलासादायक निर्णय घेतला आहे. राज्यात नोंदणी झालेल्या प्रवासी सेवा पुरविणाऱया सर्व वाहनांना जून 2021 या महिन्यातील करामध्ये 50 टक्के सूट देण्यात आली आहे. जून महिन्यात नोंदणी झालेल्या किंवा होणाऱया नव्या वाहनांना मात्र ही सवलत असणार नाही. उपमुख्यमंत्री आणि परिवहनमंत्री लक्ष्मण सवदी यांनी बुधवारी यासंबंधीचे पत्रक जारी केले आहे. कोरोना परिस्थितीमुळे प्रवासी वाहनांवर निर्बंध घालण्यात आले होते. त्यामुळे वाहनमालकांना आर्थिक फटका बसला होता. त्यामुळे हे विशेष प्रकरण मानून कर्नाटक मोटार वाहन कर कायदा 1957 च्या कलम 16(1) नुसार असणाऱया अधिकाराचा वापर करून राज्य सरकारने हा निर्णय घेतला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
