ऑनलाईन टीम/मिरज
परदेशातून मिरजेत मुळगांवी परतलेल्या समतानगर येथील एका तरुणीला कोरोना झाल्याची अफवा सोशल मिडीयावर पसरवून तिची बदनामी केल्याप्रकरणी पोलिसात अज्ञात विरोधात तक्रार दाखल झाली आहे.
समातानगर येथील एक तरुणी सौदी अरबियात कतार देशात नोकरीस आहे. ती काही दिवसांपूर्वीच मिरजेत परतली होती. तरुणी मिरजेत सदर तरुणीला कोणताही आजार नसून तिचा होम क्वारंटाइनचा कालावधीही 19 मार्च रोजीच संपला आहे. असे असतानाही तिला कोरोना झाल्याची अफवा काहींनी सोशल मिडीयावर पसरविली होती. त्यामुळे सदर तरुणी आणि तिच्या कुटुंबियांना गेली आठवडाभर मानसिक आणि सामाजिक त्रास सहन करावा लागत आहे. तिच्या कुटुंबियांना किराणा माल, भाजी, दूध अशा अत्यावश्यक सुविधाही देण्यास टाळाटाळ होत आहे. सदर तरुणीही पूर्णपणे निरोगी आहे. मात्र, तरीही काही समाजकंटकांनी परदेशावरुन आलेल्या यादीतील तिच्या नावाला गोल करुन तसेच फेसबुकवरुन तिचा फोटो करुन तो सोशल मिडीयावर व्हायरल केला होता. याप्रकरणी सदर तरुणीने पोलिसात तक्रार दिली आहे.
