कोल्हापूर / प्रतिनिधी
महाराष्ट्र राज्य कृषी पणन मंडळ, कोल्हापूर विभागाचे उपसरव्यवस्थापक सुभाष शिवाजीराव घुले यांना अमेरिकेतील दि इंटरनॅशनल युनिवर्सिटी, वॉशिंग्टनची डॉक्टरेट पदवी प्रदान करण्यात आली आहे. त्यांनी सांगली व कोल्हापूर जिल्ह्यातील केळी या पिकाची पणन व्यवस्था या विषयावर प्रबंध सादर केला आहे.
कोल्हापूर विभागात काम करताना विविध शेतमालाच्या पणन संबंधी अडचणी माहीत असल्याने त्याचा निश्चित उपयोग झाला आहे. तसेच यापुढे सुद्धा डॉक्टरेट पदवीचा शेतमालाच्या पणन व्यवस्थेमध्ये सुधारणा करण्यासाठी निश्चित उपयोग होणार असल्याचे डॉ. घुले यांनी नमूद केले.
