ऑनलाईन टीम / नवी दिल्ली :
देशातील 100 व्या किसान रेल्वेला पंतप्रधान नरेंद्र मोदी यांनी सोमवारी हिरवा झेंडा दाखवला. ही गाडी महाराष्ट्रातील सांगोला येथून पश्चिम बंगालमधील शालिमारला निघाली.
या प्रसंगी बोलताना मोदी म्हणाले, देशातील शेतकऱ्यांचे उत्पन्न वाढवण्याच्या दृष्टीने किसान रेल्वे सेवा हे एक मोठे पाऊल आहे. यामुळे शेतीच्या अर्थव्यवस्थेत मोठा बदल होईल. यामुळे देशातील थंड पुरवठा साखळीची ताकदही वाढेल. आपल्या देशात साठवण क्षमतेचा अभाव हे शेतकऱ्यांसाठी नेहमीच मोठे आव्हान राहिले आहे. या समस्या सोडवण्यासाठी आमचे सरकार कोट्यवधी रुपयांची गुंतवणूक करत आहे, शेतकरी रेल्वेसारख्या सुविधाही देत आहेत.
कमी खर्चात छोट्या शेतकऱ्यांना मोठी बाजारपेठ देण्याचा आमचा प्रयत्न आहे. त्यासाठी सरकारने बजेटमध्येही त्याची घोषणा केली आहे. देशातील शेतकऱ्यांची पोहोच आता आंतरराष्ट्रीय स्तरापर्यंत आहे. त्यामुळे आठवड्यातून तीन वेळा किसान रेल्वे धावत आहे.
