बेंगळूर/प्रतिनिधी
१५ ऑक्टोबरपासून राज्यभरातील ६५० हून अधिक सिनेमागृहांमध्ये चित्रपटांचे प्रदर्शन सुरू केले जाऊ शकते, परंतु प्रेक्षकांच्या संख्येवर घातलेल्या अटींमुळे बर्‍याच निर्मात्यांनी बड्या कलाकारांचे चित्रपट प्रदर्शित न करण्याचा निर्णय घेतला आहे. थिएटर मालकांनी आता जुन्या चित्रपटांच्या कामगिरीवर अवलंबून राहण्याची अपेक्षा आहे.
कन्नड चित्रपटाचे दिग्दर्शक सुरप्पा बाबू यांनी शिवराज कुमार, पुनीत राजकुमार, दर्शन आणि सुदीप या कलाकारांच्या चित्रपटावर निर्मात्यांनी कोट्यवधी रुपये लावले आहेत. अशा परिस्थितीत केवळ अर्ध्या प्रेक्षकांनी भरलेल्या थिएटरमधील चित्रपटांची कामगिरी तोटा म्हणून सहन करावी लागेल. म्हणूनच, १५ ऑक्टोबरपासून चित्रपटसृष्टीतील मुख्य भूमिका असलेल्या कलाकारांचे चित्रपट प्रदर्शित करण्यास निर्माते तयार नाहीत.
चित्रपट निर्माते के. पी. श्रीकांत यांनी पुरस्कारप्राप्त चित्रपट केंद्र व राज्य सरकार १५ ऑक्टोबरपासून थिएटरमध्ये दाखवू शकतात. राज्यातील सर्व चित्रपटगृहांसाठी नवीन चित्रपट उपलब्ध होणे शक्य नाही असे म्हंटले आहे. चित्रपट निर्माते गंगाधर यांनी सिनेमागृहे उघडल्यानंतर किती प्रमाणात दर्शक येतील याची संख्या स्पष्ट नाही असे म्हंटले आहे. फिल्ममेकिंगमधील गुंतवणूकीवर परताव्याची कोणतीही शाश्वती नसल्यामुळे निर्मात्यावर चित्रपट प्रदर्शित करण्यासाठी दबाव आणू शकत नाही.
