प्रतिनिधी / कोल्हापूर
26 जानेवारी रोजी प्रजासत्ताक दिनी दिल्ली येथे होणार्या परेड व पंतप्रधान रॅलीसाठी महावीर महाविद्यालयातील 1 महाराष्ट्र आर्टीलरी बॅटरी एन.सी.सी. युनीटमधील सिनीअर अंडर ऑफिसर अमोद संजय माळवी याची निवड झाली. या निवड प्रक्रियेमध्ये कोल्हापूर एन.सी.सी. गटमुख्यालय स्तर, पुणे राज्यस्तरीय निवड अशा दोन ठिकाणी निवड चाचणी घेण्यात आली. प्रत्येक स्तरावर अमोदने उत्कृष्ट कामगीरी केल्याने अंतिम प्रजासत्ताक परेडसाठी त्याची निवड करण्यात आली. तो बी.एस्सी. भाग-2 वर्गात शिकत आहे.
अमोदला कोल्हापूर एन. सी. सी. ग्रुप कमांडर ब्रिगेडिअर आर. के. सिंग, लेप्टनंट कर्नल संजीव सरनाईक, संस्थेचे चेअरमन ऍड. के. ए. कापसे, सेक्रेटरी मोहन गरगटे, प्राचार्य डॉ. आर. पी. लोखंडे, लेप्टनंट उमेश वांगदरे, लेप्टनंट डॉ. सुजाता पाटील, सीटीओ अश्विनी कोटणीस, सुभेदार मेजर मुकेशकुमार यांचे मार्गदर्शन व प्रोत्साहन लाभले. या निवडीबद्दल माळवीचे सर्वत्र कौतुक होत आहे.
