मिरज-पंढरपूर रस्त्यावर हॉटेल धनगरी जवळ अपघात
प्रतिनिधी / मिरज
ट्रक आणि दुचाकीची समोरासमोर धडक होऊन झालेल्या अपघातात राजाराम अमृता सातपुते (वय 59, रा. विश्रामबाग, मुळगाव नागोळे सोलापूर ) हा जलसंपदा विभागातील निवृत्त उपअभियंता जागीच ठार झाला. तर एकजण जखमी झाला आहे. मिरज – पंढरपूर रस्त्याववर हॉटेल धनगरीजवळ हा अपघात झाला.
राजाराम सातपुते आणि त्यांचा भाचा सुभाष विठ्ठल हंकारे हे दोघे आपली दुचाकी मोटारसायकल एम एच 10 क्यु 3236 ) घेऊन जात होते. त्यावेळी समोरून येणाऱ्या ट्रक क्र. (एम एच १३ सी यु ३७१२) ची धडक बसली. या अपघातात राजाराम हे जागीच ठार झाले. तर त्यांचा भाचा सुभाष हा जखमी झाला आहे. याबाबत शहर पोलिसात नोंद आहे.
