ज्योकोव्हिच सपत्निक निगेटिव्ह

बेलग्रेड : सर्बियाचा अव्वलमानांकित टेनिसपटू नोव्हॅक ज्योकोव्हिच व त्याची पत्नी यांचे कोरोना चाचणीचे अहवाल निगेटिव्ह आले असून यामुळे त्यांना दिलासा लाभला. 10 दिवसांपूर्वी ज्योकोव्हिच दाम्पत्याला कोरोनाची बाधा झाल्याचे स्पष्ट झाले व त्यामुळे अवघ्या क्रीडा विश्वात खळबळ उडाली होती. सर्बिया व क्रोएशियात आयोजित प्रदर्शनीय टेनिस स्पर्धेत सहभागी झाल्यानंतर ज्योकोव्हिच द्वयींची चाचणी घेतली गेली व त्यात त्यांचा अहवाल पॉझिटिव्ह आला होता. कोणतीही लक्षणे नसताना पॉझिटिव्ह अहवाल आल्यानंतर ज्योकोव्हिच व त्याची पत्नी सर्बियन राजधानीत अलगीकरण कक्षेत राहिले. प्रदर्शनीय स्पर्धेत सहभागी झालेल्या ग्रिगोर दिमित्रोव्ह, बोर्ना कोरिक, व्हिक्टर ट्रोईकी यांनाही कोरोना झाल्याचे त्यावेळी निदर्शनास आले होते.