बॉलिवूड अभिनेत्री जॅकलिन फर्नांडिस पुन्हा एकदा चर्चेमध्ये आली आहे. सुकेश चंद्रशेखरसोबतचा तिचा एक रोमॅंटिक फोटो इंटरनेटवर व्हायरल झाला आहे. सध्या नेटकऱयांमध्ये या फोटोची जोरदार चर्चा आहे. यापूर्वी देखील सुकेश आणि जॅकलिनचे अनेक फोटो इंटरनेटवर व्हायरल झाले आहेत. बॉलिवूड अभिनेत्री जॅकलिन यापूर्वी देखील सुकेश आणि जॅकलिनचे अनेक फोटो इंटरनेटवर व्हायरल झाले आहेत. सुकेश चंद्रशेखरच्या 200 कोटींच्या मनी लाँडरिंग प्रकरणात अंमलबजावणी संचालनालयाने जॅकलिनची देखील चौकशी केली होती. या चौकशीनंतरच जॅकलिन सर्वप्रमथ चर्चेत आली होती.
ईडीच्या अधिकाऱयांनी विचारलेल्या प्रश्नांना उत्तर देताना जॅकलिनने म्हटले होते की, मी 2017 पासून सुकेश चंद्रशेखर याच्या संपर्कात होते. ज्यावेळी आपली त्याच्याशी ओळख झाली, तेव्हा त्याने आपण दिवंगत नेत्या जयललिता यांच्या कुटुंबातील सदस्य असल्याचे आपल्याला सांगितले.
मी फेब्रुवारी 2017 पासून सुकेशशी बोलत आहे. ऑगस्ट 2021 मध्ये त्याला अटक केली, त्यानंतर मी त्याला कधीही भेटलेले नाही. याचदरम्यान त्याने आपण सन टीव्हीचा मालक असल्याचा दावा देखील केल्याचे जॅकलिन फर्नांडिसने म्हटले होते. दरम्यान जॅकलिनच्या बहिणीलादेखील सुकेश याने 15 लाख रुपये दिल्याची माहिती ईडीच्या चौकशीतून समोर आली होती. जॅकलीन आणि सुकेश चंद्रशेखर हे रिलेशनशिपमध्ये असल्याची देखील जोरदार चर्चा आहे. जॅकलिन व्यतिरिक्त आयटम सॉन्ड डान्सर नोरा फतेहलाही चंद्रशेखर याने अनेक महागडे गिफ्ट दिल्याची माहिती समोर येत आहे.
