ऑनलाईन टीम / वॉशिंग्टन :
जगभरात कोरोनाबळींच्या संख्येने 20 लाखांचा टप्पा ओलांडला आहे. जगात आतापर्यंत 9 कोटी 43 लाख 76 हजार 856 जणांना कोरोनाची बाधा झाली. त्यामधील 20 लाख 19 हजार 298 रुग्णांचा कोरोनाने बळी घेतला आहे. 6 कोटी 74 लाख 03 हजार 457 रुग्ण या आजारातून बरे झाले असून, अजूनही 2 कोटी 49 लाख 54 हजार 101 ॲक्टिव्ह केसेस आहेत. त्यामधील 1 लाख 11 हजार 435 केसेस गंभीर आहेत.
वर्ल्डोमीटरनुसार, कोरोना रुग्णवाढीची आणि मृतांची संख्या अमेरिकेत सर्वाधिक आहे. अमेरिकेत आतापर्यंत 2 कोटी 41 लाख 02 हजार 429 जणांना कोरोनाचा संसर्ग झाला आहे. तर 4 लाख 01 हजार 856 रुग्णांचा मृत्यू झाला आहे. अमेरिकेनंतर भारतात कोरोनाचे सर्वाधिक रुग्ण आहेत. भारतात 1 कोटी 05 लाख 43 हजार 659 जणांना कोरोनाचा संसर्ग झाला असून, 1 लाख 52 हजार 130 जणांचा मृत्यू झाला आहे.
कोरोनाबळींच्या संख्येत ब्राझीलचा जगात दुसरा क्रमांक लागतो. ब्राझीलमध्ये 83 लाख 94 हजार 253 जणांना कोरोनाचा संसर्ग झाला आहे. तर 02 लाख 08 हजार 291 जण दगावले आहेत.
