खानापूरच्या संत बसवेश्वर चौकात महामानव जागृती फलकाचे अनावरण

खानापूर : डॉ. बाबासाहेब आंबेडकरानी प्रतिकूल परिस्थितीत आपल्या जीवनाची वाटचाल करून क्रांती घडवली. त्यांचा जीवनाचा आदर्श प्रत्येक युवकांनी घेतला पाहिजे. यासाठीच ‘झी’ वाहिनीवर महानायक डॉ. बाबासाहेब आंबेडकर महामालिका सुरू आहे. ती प्रत्येक युवकांनी न विसरता पहावी, असे आवाहन भाजप युवा नेते पंडित ओगले यांनी महानायक जागृती फलकाचे अनावरण करताना काढले. विश्व हिंदू परिषद व बजरंग दल गांधीनगर-हलकर्णी शाखेच्यावतीने खानापूर-जांबोटी क्रॉसवरील संत बसवेश्वर चौकात सदर फलक बसवण्यात आला आहे. प्रारंभी ऍड. आकाश अथणीकर यांनी उपस्थितांचे स्वागत व प्रास्तविक केले. तसेच फलक अनावरणाचा उद्देश विशद केला. यावेळी बजरंग दल तालुका प्रमुख नंदकुमार निट्टूरकर, दशरथ बनोशी, ता. पं. माजी उपसभापती सुरेश देसाई व इतरांची भाषणे झाली. यावेळी मल्लेश पोळ, सागर अष्टेकर, किरण अष्टेकर, आनंद बेळगावकर, मंगल गोसावी व तसेच विश्व हिंदू परिषद बजरंग दल तसेच गांधीनगरचे पदाधिकारी व कार्यकर्ते उपस्थित होते.