प्रतिनिधी /बेळगाव
खंजर गल्ली येथील एका कुशन सेंटरला सोमवारी दुपारी आग लागली. या आगीत आर्थिक हानी झाली असून चार कोंबडय़ाही जळून खाक झाल्या आहेत.
सोमवारी दुपारी अब्दुलकरीम यांच्या कुशन सेंटरला अचानक आग लागली. बघताबघता शेजारच्या चिकन सेंटरपर्यंत ही आग पोहोचली. आगीत सुमारे दीड लाखाचे नुकसान झाले असून चिकन सेंटरमधील चार कोंबडय़ा जळून खाक झाल्या आहेत. अग्निशमन दलाच्या जवानांनी आग विझविली.
