प्रतिनिधी / कोल्हापूर
जिल्हय़ात गुरूवारी रात्री ८ वाजेपर्यत ७ पॉझिटिव्ह रूग्ण दिसून आले. त्यामुळे पॉझिटिव्ह रूग्णांची संख्या ८७५ वर पोहोचली. पॉझिटिव्ह रूग्णांमध्ये शिरोळ, हातकणंगले तालुक्यातील प्रत्येकी ३आणि सातारा जिल्हय़ातील पाटण तालुक्यातील एकाचा समावेश आहे. तीन दिवसांत पाटण तालुक्यातील दोघांचा रिपोर्ट कोल्हापुरात पॉझिटिव्ह आला आहे.
परजिल्हय़ातून सकाळी १० वाजेपर्यत जिल्हय़ात आलेल्या ७५० जणांची तपासणी करण्यात आली. त्यापैकी ११२ जणांचे स्वॅब घेण्यात आले. त्यापैकी १३१ जणांना आयसोलेटेड केले आहे. आलेल्या ३३३ स्वॅब रिपोर्टपैकी 3 पॉझिटिव्ह असून ३२९ निगेटिव्ह आहेत. सकाळपर्यत एकाही कोरोना रूग्णांला डिसचार्ज न मिळाल्याने कोरोनामुक्तांची संख्या ७२५ राहिली आहे. दरम्यान, सायंकाळी ६ वाजेपर्यत एकाही रूग्णाचा पॉझिटिव्ह रिपोर्ट आलेला नव्हता.
