प्रतिनिधी / वारणानगर
केखले (ता. पन्हाळा) येथील उसाचा फड पेटवताना शेतकरी माणिक शामराव शिंगटे (वय ४२) यांचा होरपोळून जागीच मृत्यू झाला. घटना स्थळावरून मिळालेली माहिती अशी की माणिक शिंगटे हे केखले येथील कुंभारकी नावाच्या वस्तीमध्ये राहत असुन जवळच असलेल्या कारीदगी नावाच्या शेतातील ऊस कारखान्यात गेल्याने त्या शेतातील फड पेटवत असताना अचानक शेजारील दिलीप पाटील यांच्या उभा असलेल्या उसाला आग लागली सदरची आग शिंगटे विजवण्यासाठी गेले असता ते ऊसात अडकून पडल्याने होरपळून त्यांचा जागीच मृत्यू झाला.
त्यांच्या पाश्चात आई,पत्नी, दोन मुले,असा परिवार आहे. या घटनेची नोंद कोडोली पोलिसात झाली असुन पुढील तपास स.पो.नि. दिनेश काशिद करित आहेत.
