बेंगळूर/प्रतिनिधी
पूर्व विद्यापीठ शिक्षण विभागाने पुरवणी परीक्षांचे वेळापत्रक जाहीर केले आहे. पहिल्या प्रयत्नात ज्या विद्यार्थ्यांना बारावी उत्तीर्ण होता आले नाही अशा विद्यार्थ्यांसाठी पुरवणी परीक्षा घेण्यात येईल, जे एक किंवा दोन विषयात नापास झाले आहेत.
७ सप्टेंबरपासून पीयूसी द्वितीय पुरवणी परीक्षा सुरु होणार असून १८ सप्टेंबर रोजी संपणार आहेत. सामाजिक अंतर सुनिश्चित करण्यासाठी पुरवणी परीक्षा सकाळी आणि दुपारी अशा दोन टप्प्यामध्ये घेण्यात येणार आहे. सकाळी १०: १५ ते दुपारी ०१:३० दरम्यान तर दुपारच्या टप्प्यात दुपारी ०२:१५ ते सायंकाळी ०५:३० या वेळेत घेण्यात येणार आहे.
