बेंगळूर/प्रतिनिधी
कर्नाटकात कोरोना रुग्णांची संख्या दररोज कमी जास्त होत आहे. राज्यात लॉकडाऊननंतर सक्रिय रुग्णसंख्येत मोठी घट झाली आहे. राज्यात सध्या सक्रिय रुग्णांची संख्या ४० हजारांवर पोहोचली आहे. राज्यात गेल्या २४ तासात ३,१०४ नवीन संक्रमित रुग्णांची नोंद झाली. तर ४,९९२ रुग्ण कोरोनावर मात करत रुग्णालयातून घरी परतले. तर राज्यात मंगळवारी ९२ रुग्णांचा मृत्यू झाला. मंगळवारी राज्यात सकारात्मकतेचे प्रमाण २.६५ टक्के होते. तर मृत्यू दर २.९६ टक्के होता. राज्यात सध्या एकूण सक्रिय रुग्णांची संख्या ४०,०१६ इतकी आहे.
राज्यात बेंगळूर शहरी जिल्ह्यात मंगळवारी कोरोनाचे ७१५ पॉझिटिव्ह रुग्ण आढळले. तर याचवेळी १,८६३ रुग्ण कोरोनावर मात करत रुग्णालयातून घरी परतले. तसेच जिल्ह्यात १५ कोरोना संक्रमित रुग्णांचा मृत्यू झाला.
दरम्यान, राज्यात आतापर्यंत एकूण कोरोना रुग्णांची संख्या २८.५९ लाखावर पोहोचली आहे. तर यापैकी २७,८४,०३० रुग्ण कोरोनामुक्त झाले आहेत. तसेच आतापर्यंत ३५,५२६ रुग्णांचा मृत्यू झाला आहे.
