ऑनलाईन टीम / मुंबई :
दक्षिण आफ्रिकेचा स्टार फलंदाज आणि एमआर 360 अशी ओळख असलेल्या एबी डिव्हिलियर्सने आयपीएलमधून निवृत्ती जाहीर केली आहे. त्याने यापूर्वी आंतरराष्ट्रीय क्रिकेट मधून माघार घेतली होती. आता त्याने सर्व प्रकारच्या स्पर्धात्मक क्रिकेटमधून माघार घेत असल्याचे एका ट्विटमध्ये सांगितले आहे.
क्रिकेटमधील माझा एक अविश्वसनीय प्रवास होता, पण मी सर्व क्रिकेटमधून निवृत्ती घेण्याचा निर्णय घेतला आहे. माझ्या भावंडांसोबत घराच्या अंगणात क्रिकेट खेळण्यापासून माझा प्रवास सुरू झाला होता. मी खेळाचा आनंद घेत क्रिकेट खेळलो. अनेकांनी मला प्रोत्साहित केलं आणि मला चांगले खेळण्यासाठी प्रवृत्त केलं. पण आता वयाच्या 37 व्या वषी मी क्रिकेटच्या सर्व प्रकारांतून निवृत्त होत आहे, अशी माहिती त्याने ट्वीटद्वारे दिली आहे.
