“उत्तर प्रदेशातील अल्पसंख्याकांना लक्ष्य करणे थांबवा”, शाहांवर निशाणा

नवी दिल्ली/प्रतिनिधी

काँग्रेस नेते कपिल सिब्बल (Kapil Sibal Member of Rajya Sabha) यांनी केंद्रीय गृहमंत्री अमित शहा (union home minister amit shah) यांच्या जम्मू-काश्मीर दौऱ्यावर टीका केली आहे. तसेच त्यांनी भाजपवर ही निशाणा साधला आहे. सिब्बल यांनी उत्तर प्रदेशात (Uttar_Pradesh) घडणाऱ्या घटनांवरून अमित शहांना फटकारले आहे. सिब्बल यांनी उत्तर प्रदेशातील अल्पसंख्याकांना लक्ष्य करणं थांबवा, असे अमित शाह त्यांना म्हंटले आहे. तसेच सर्व प्रकार नियोजनबद्ध आणि जाणिवपूर्वक असल्याचा आरोप त्यांनी केला. यावेळी सिब्बल यांनी भाजप आणि गृहमंत्री अमित शाह यांना लक्ष्य केलं.

सिब्बल म्हणाले, “अमित शाह यांनी जम्मू -काश्मीरमधील (jammu kashmir) अल्पसंख्यांकांचे संरक्षण करण्याची मागणी केली होती. मात्र, हा भाजपच्या रणनीतीचा भाग आहे. काश्मीरमधील अल्पसंख्यांकांच्या संरक्षणाची मागणी ही प्रशंसनीय आहे. पण उत्तर प्रदेशातही तेच करा, असा सल्ला त्यांनी दिलाय. अल्पसंख्याकांना नियोजनबद्ध पद्धतीने लक्ष्य करणे थांबवा, असं ते म्हणाले.