तरुणभारत ऑनलाईन टीम
छत्रपती शिवाजी महाराज आणि त्यांच्या मावळ्यांच्या शौर्यगाथा बॉलीवूड सोबतच मराठी चित्रपटांमध्ये देखील मांडल्या जात आहेत.
‘फर्जंद’ आणि ‘फत्तेशिकस्त’ या दोन चित्रपटांच्या यशानंतर बऱ्याच काळापासून चर्चेत असलेल्या ‘पावनखिंड’ या चित्रपटाचा ट्रेलर नुकताच प्रदर्शित झाला आहे.चित्रपटाचा ट्रेलर पाहाताना अक्षरशः अंगावर शहारे येतात.
दिग्दर्शक दिग्पाल लांजेकर यांनी इन्स्टाग्रामवर पोस्ट शेअर केली आहे .उपसून तलवार, कधी झेलून वार, त्या रात्री सहाशे वीर, झाले जीवावर उदार ,इतिहासातल्या अभूतपूर्व लढाईची झलक, सादर आहे ‘पावनखिंड’ चे ट्रेलर! हर हर महादेव’’असं पोस्टखाली कॅप्शन दिल आहे. ’ या चित्रपटात मृणाल कुलकर्णी, प्राजक्ता माळी, चिन्मय मांडलेकर, अंकित मोहन, क्षिती जोग, अजय पूरकर, समीर धर्माधिकारी आणि शिवराज वायचळ यांच्या मुख्य भूमिका आहेत. या चित्रपटात पावखिंडीत बाजीप्रभू देशपांडे यांनी मुघलांशी दिलेल्या लढ्याची शौर्यगाथा दाखवली जाणार आहे. या चित्रपटाचा ट्रेलर सध्या सोशल मीडियावर व्हायरल होत असून हा चित्रपट येत्या १८ फेब्रुवारीला चित्रपटगृहात प्रदर्शित होणार आहे.
